ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

საქართველოსა და თურქეთის რესპუბლიკას შორის დიპლომატიური ურთიერთობების დამყარების 25 წლისთავთან დაკავშირებით, გენერალური საკონსულოს მხარდაჭერითა და თანამონაწილეობით, 2017 წლის 23-24 ნოემბერს, ტრაპიზონის შავი ზღვის ტექნიკური უნივერსიტეტის კონგრესისა და კულტურის ცენტრში გაიმართა საერთაშორისო სიმპოზიუმი - „ქართულ-თურქული ურთიერთობები“.

განთავსების თარიღი: 28.11.2017
 

2017 წლის 16-17 ნოემბერს, გენერალური საკონსულოს ორგანიზებით, თურქეთის რესპუბლიკის ართვინის, რიზესა და ტრაპიზონის გუბერნიებში განხორციელდა საქართველოს აჭარის ავტონომიური რესპუბლიკის მთავრობის თავმჯდომარის ბატონ ზურაბ პატარაძის პირველი ოფიციალური ვიზიტი. აჭარის ავტონომიური რესპუბლიკის სამთავრობო დელეგაციაში ასევე შედიოდნენ: აჭარის ავტონომიური რესპუბლიკის განათლების, კულტურისა და სპორტის მინისტრი ქალბატონი ინგა შამილიშვილი, ფინანსთა და ეკონომიკის მინისტრი ბატონი რამაზ ბოლქვაძე, ქ.ბათუმის ახლადარჩეული მერი ბატონი ლაშა კომახიძე, აჭარის ავტონომიური რესპუბლიკის სავაჭრო-სამრეწველო პალატის თავმჯდომარე ბატონი თამაზ შავაძე და სხვა ოფიციალური პირები. აჭარის ა/რ მთავრობის დელეგაციას სარფის სასაზღვრო-გამშვებ პუნქტზე დახვდა და დელეგაციას შეუერთდა საქართველოს გენერალური კონსული ქ. ტრაპიზონში ავთანდილ მიქაცაძე. 

განთავსების თარიღი: 22.11.2017
 

საკონსულო ოლქის შემოვლისა და საქართველო-თურქეთს შორის დიპლომატიური ურთიერთობების დამყარების 25 წლისთავთან დაკავშირებით, 2017 წლის 13-14 ნოემბერს, საქართველოს გენერალური კონსული ავთანდილ მიქაცაძე არდაგანისა და ყარსის გუბერნიებს სტუმრობდა, სადაც მან შეხვედრები გამართა არდაგანისა და ყარსის ვილაიეთების ახლადდანიშნულ გუბერნატორებთან ბატონ მეჰმეთ ემინ ბილმეზთან (Mehmet Emin BİLMEZ/Ardahan) და ბატონ რაჰმი დოღანთან (Rahmi DOĞAN/Kars).

 

განთავსების თარიღი: 22.11.2017
 

2017 წლის 12-16 ნოემბერს, საქართველო-თურქეთს შორის დიპლომატიური ურთიერთობების დამყარების 25 წლისთავთან დაკავშირებით კულტურული პროგრამის ფარგლებში, არდაჰანის, ყარსის, ართვინისა და რიზეს უნივერსიტეტებში, ქართული ენისა და ლიტერატურის ფაკულტეტების თანამონაწილეობით, გაიმართა ქუთაისის სახელმწიფო ისტორიული მუზეუმის დაცული საგანძურის ფოტო-ასლების გამოფენები და საჯარო ლექციები  - „ქართული კულტურა და ურთიერთობები“. გენერალური საკონსულოსა და ქუთაისის სახელმწიფო ისტორიული მუზეუმის ერთობლივ პროგრამას ეწოდება - „კულტურული მემკვიდრეობის კვალდაკვალ’’.

განთავსების თარიღი: 21.11.2017
 

2017 წლის 27 ოქტომბერს, საქართველოს გენერალური კონსული ავთანდილ მიქაცაძე შეხვდა თურქეთის რესპუბლიკის სანაპირო დაცვის აღმოსავლეთ შავიზღვისპირეთის (ტრაპიზონი) რეგიონალური სამმართველოს ხელმძღვანელს, ვიცე-პოლკოვნიკს ალი მუნირ გუმუშბაიქალს.

 

განთავსების თარიღი: 27.10.2017
 

საქართველო-თურქეთს შორის დიპლომატიური ურთიერთობების დამყარების 25 წლისთავთან დაკავშირებით, 2017 წლის 19 ოქტომბერს, ტრაპიზონის ერთერთ ყველაზე პრესტიჟულ და დიდ - ათათურქის სახელობის კულტურის ცენტრში, გაიმართა საზეიმო კონცერტი და ისტორიული საგანძურის ფოტოასლების გამოფენა. ღონისძიებებს ესწრებოდნენ: გუბერნიისა და ადგილობრივი თვითმართველობის წარმომადგენლები, სხვადასხვა სამსახურის ხელმძღვანელები, საზოგადო მოღვაწეები, ტრაპიზონისა და რიზეს უნივერსიტეტის პროფესორ-მასწავლებლები, ქართველი სტუდენტები, არასამთავრობო ორგანიზაციების ხელმძღვანელები, აკრედიტებული დიპლომატები და სხვა დამსწრე საზოგადოება.

 

განთავსების თარიღი: 26.10.2017
 

საქართველო-თურქეთის დიპლომატიური ურთიერთობების დამყარების 25 წლის იუბილე

განთავსების თარიღი: 18.10.2017
 

საქართველოს გენერალური კონსული ავთანდილ მიქაცაძე, 2017 წლის 26 სექტემბერს, ტრაპიზონის გუბერნიის პოლიციის მთავარ სამმართველოს ახლადდანიშნულ უფროსს ბატონ ორჰან ჩევიქს (Orhan ÇEVİK) შეხვდა.

შეხვედრაზე განხილულ იქნა რეგიონში მიმდინარე პროცესები, საქართველოს მოქალაქეთა კანონიერი უფლებების დაცვის საკითხები, აგრეთვე ორ ქვეყანასა და სამართალდამცავ ორგანოებს შორის არსებული საქმიანი კავშირები. ხაზი გაესვა საქართველოსა და თურქეთის რესპუბლიკას შორის სტრატეგიულ პარტნიორობასა და მეგობრულ ურთიერთობებს.

 

განთავსების თარიღი: 04.10.2017
 

2017 წლის 19 სექტემბერს, საქართველოს გენერალურმა კონსულმა ავთანდილ მიქაცაძემ, საქართველოს სანაპირო დაცვის ბათუმის პირველი სამმართველოს უფროსს ბატონ რამაზ თედორაძეს, ეკიპაჟის წარმომადგენლებს და თურქეთის რესპუბლიკის, აღმოსავლეთ შავიზღვისპირეთის სანაპირო დაცვის ტრაპიზონის რეგიონალურ ხელმძღვანელს ბატონ ალი მუნირ გუმუშბაიკალს უმასპინძლა.

 

განთავსების თარიღი: 26.09.2017
 

2017 წლის 12-13 სექტემბერს, ინტელექტუალური საკუთრების მსოფლიო ორგანიზაციის (ისმო) ფარგლებში,  სსიპ საქართველოს ინტელექტუალური საკუთრების ეროვნული ცენტრის საქპატენტი“-სა და თურქეთის პატენტისა და სასაქონლო ნიშნების უწყების „თურქპატენტი“-ს ორგანიზებითა და საქართველოს საგარეო საქმეთა სამინისტროსა და გენერალური საკონსულოს მხარდაჭერით, ქ. ტრაპიზონში პირველად ჩატარდა გეოგრაფიული აღნიშვნების რეგიონული სიმპოზიუმი.

განთავსების თარიღი: 13.09.2017
 
კვ ორ სა ოთ ხუ პა შა
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

დიასპორის სტრატეგია

 

 

საქართველო საერთაშორისო რეიტინგებში

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ