ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

ქუთაისის სახელმწიფო ისტორიული მუზეუმის დელეგაცია: ადამიანური რესურსების მართვისა და საზოგადოებასთან ურთიერთობის მენეჯერი ქალბატონი ნონა ქარციძე, ქსოვილების ფონდის კურატორი ქალბატონი ანა დოღონაძე და ამავე ფონდის მეცნიერ-თანამშრომელი ქალბატონი ირინა უგრეხელიძე, 2017 წლის 28-31 მარტს ქ. ტრაპიზონს სტუმრობდა.

 

განთავსების თარიღი: 03.04.2017
 

საქართველოს გენერალურმა კონსულმა ბატონმა ავთანდილ მიქაცაძემ, 2017 წლის 23 მარტს, თურქეთის რესპუბლიკის, ტრაპიზონის გუბერნიის საოჯახო ექიმთა ასოციაციის “TRAHED”-ის პრეზიდენტს, დოქტორ ჰაქან უზუნსა და საგარეო ურთიერთობათა კომიტეტის ხელმძღვანელს ბატონ ალი ილმაზს უმასპინძლა.

ბატონმა ჰაქან უზუნმა გენერალურ კონსულს მიაწოდა ინფორმაცია და მიიწვია 2017 წლის 6-9 აპრილს, ქ. ბათუმში დაგეგმილ „სასწრაფო სამედიცინო დახმარებისა და საოჯახო მედიცინის საერთაშორისო სიმპოზიუმზე“, რომელშიც ასობით ქართველი და თურქი ექიმი მიიღებს მონაწილეობას. 

განთავსების თარიღი: 30.03.2017
 

2017 წლის 16 მარტს, გენერალურმა კონსულმა ბატონმა ავთანდილ მიქაცაცემ, ხოფის სავაჭრო-სამრეწველო პალატის ორგანიზებით, მონაწილეობა მიიღო პირველ სამუშაო შეხვედრაში - „ლოგისტიკა და სარფის პრობლემატიკა“, რომელსაც ესწრებოდა რეგიონში მოქმედი 100-ზე მეტი კომპანიისა და ფირმის წარმომადგენელი. შეხვედრა გაიმართა სავაჭრო-სამრეწველო პალატის საკონფერენციო დარბაზში, ართვინის გუბერნიის ხელმძღვანელობის, სარფის სასაზღვრო-გამშვები პუნქტის ადმინისტრაციის, ართვინის ვილაიეთის ძალოვანი სტრუქტურების, მერიის, მუნიციპალიტეტების, საერთაშორისო სატვირთო გადამზიდველთა ასოციაციის, საავტომობილო კოოპერატივის, ქ. ბათუმში თურქეთის გენერალური საკონსულოს წარმომადგენლების მონაწილეობით,

 

განთავსების თარიღი: 21.03.2017
 

საქართველოს პრემიერ-მინისტრმა გიორგი კვირიკაშვილმა 2017 წლის 15 მარტს არაოფიციალურ ვახშამზე უმასპინძლა თურქ კოლეგა ბინალი ილდირიმს (T.C. Başbakanlık), რომელიც ბათუმს რამდენიმე საათით ეწვია. მხარეებმა ხაზი გაუსვეს საქართველო-თურქეთის სტრატეგიული პარტნიორობის განვითარების პოზიტიურ დინამიკას. ყურადღება გამახვილდა თურქეთ-საქართველოს უმაღლესი დონის სტრატეგიული თანამშრომლობის საბჭოს მიმდინარე წელს დაგეგმილი მეორე სხდომის მოსამზადებელ სამუშაოებზე. გიორგი კვირიკაშვილმა გამოთქვა მზადყოფნა, საქართველომ უმასპინძლოს მაღალი დონის სტრატეგიული თანამშრომლობის საბჭოს მეორე სხდომას, რომელიც, ამავდროულად, ორ ქვეყანას შორის დიპლომატიური ურთიერთობების დამყარების 25 წლისთავს მიეძღვნება. თურქეთის პრემიერ-მინისტრმა ქართველ კოლეგას საქართველოს სუვერენიტეტისა და ტერიტორიული მთლიანობისადმი მტკიცე მხარდაჭერა კიდევ ერთხელ დაუდასტურა. ბინალი ილდირიმმა აღნიშნა, რომ ელოდება გიორგი კვირიკაშვილთან შეხვედრას შავი ზღვის ეკონომიკური თანამშრომლობის ორგანიზაციის 25 წლისთავის აღსანიშნავად დაგეგმილ სახელმწიფო მეთაურთა სამიტის ფარგლებში, რომელიც 22 მაისს სტამბოლში გაიმართება.

განთავსების თარიღი: 17.03.2017
 

საქართველოს გენერალურმა კონსულმა ბატონმა ავთანდილ მიქაცაძემ, 2017 წლის 14 მარტს, თურქეთის წამყვანი კლინიკების ქსელის “Medicalpark”-ის ტრაპიზონის საავადმყოფო მოინახულა.

 საავადმყოფოს გენერალურმა დირექტორმა ბატონ აბდულლაჰ ჯანთურქმა გენერალურ კონსულს მიაწოდა ინფორმაცია საავადმყოფოს საქმიანობისა და წამყვანი დარგების თაობაზე, გამოთქვა მზადყოფნა საავადმყოფოში მიიღონ და მოემსახურონ საქართველოს მოქალაქეებს შეღავათიან ფასებში. 

 

განთავსების თარიღი: 17.03.2017
 

2017 წლის 28 თებერვალს, საქართველოს გენერალური კონსული ავთანდილ მიქაცაძე შეხვდა ტრაპიზონის ვილაიეთის ორთაჰისარის ახლადდანიშნულ გამგებელს ბატონ ნუმან ჰათიფოღლუს და მიულოცა ხსენებულ თანამდებობაზე დანიშვნა. შეხვედრაზე, განხილულ იქნა რეგიონებს შორის ვაჭრობისა და ეკონომიკის, აგრეთვე კულტურისა და ტურიზმის სფეროში ურთიერთობების გაღრმავების საკითხები. ხაზი გაესვა საქართველოსა და თურქეთის რესპუბლიკას შორის არსებულ სტრატეგიულ პარტნიორობასა და მეგობრულ ურთიერთობებს.

 

განთავსების თარიღი: 06.03.2017
 

საქართველოს გენერალურმა კონსულმა ბატონმა ავთანდილ მიქაცაძემ, ორდუს გუბერნიაში ვიზიტის ფარგლებში, 2017 წლის 17 თებერვალს, თურქეთის წამყვანი კლინიკების ქსელის “Medicalpark”-ის ორდუს საავადმყოფო მოინახულა.

 

განთავსების თარიღი: 24.02.2017
 

2017 წლის 16-17 თებერვალს, საკონსულო ოლქის შემოვლის ფარგლებში, საქართველოს გენერალური კონსული ქ. ტრაპიზონში ბატონი ავთანდილ მიქაცაძე სამსუნის გუბერნიას სტუმრობდა, სადაც მან გამართა შეხვედრები სამსუნის ვილაიეთის გუბერნატორთან ბატონ იბრაჰიმ შაჰინთან, თვითმმართველი ქალაქი სამსუნის მერთან ბატონ იუსუფ ზია ილმაზთან, ჩარშამბას გამგებელთან ბატონ მუსტაფა გუნეისთან, ჩარშამბას სავაჭრო-სამრეწველო პალატის თავმჯდომარესთან ბატონ აჰმეთ ილმაზთან და ჩარშამბას სავაჭრო ბირჟის პრეზიდენტთან ბატონ ქაზიმ ილმაზთან.

 

განთავსების თარიღი: 23.02.2017
 

საქართველოს გენერალური კონსული ბატონი ავთანდილ მიქაცაძე, 2017 წლის 15 თებერვალს, ორდუს გუბერნიის დაბა უნიეში 2014 წელს დაარსებულ „უნიე-აჭარა ქართველებთან მეგობრობისა და კულტურის ასოციაციის“ (Ünye Acara Gürcü Dostluk Kültür Derneği) პრეზიდენტს ბატონი მეჰმეთ ალი გურსოის და  ქართული დიასპორის წარმომადგენლებს შეხვდა.

 

განთავსების თარიღი: 22.02.2017
 

 

2017 წლის 15 თებერვალს, საკონსულო ოლქის შემოვლის ფარგლებში, საქართველოს გენერალური კონსული ქ. ტრაპიზონში ბატონი ავთანდილ მიქაცაძე ორდუს გუბერნიას სტუმრობდა, სადაც მან გამართა შეხვედრები ორდუს ვილაიეთის გუბერნატორთან ბატონ ირფან ბალქანლიოღლუსთან, ალთუნორდუს მერთან ბატონ ენგინ თექინთაშთან, ორდუს სავაჭრო-სამრეწველო პალატის თავმჯდომარესთან ბატონ სერვეთ შაჰინთან და ბიზნესმენთა ასოციაციის პრეზიდენტთან ბატონ მურათ შიმშექთან. მხარეებმა განიხილეს ბოლო პერიოდში თურქეთის რესპუბლიკაში განვითარებული მოვლენები, საქართველოში ჩატარებული საპარლამენტო არჩევნები, საქართველო-თურქეთის ხელისუფლებებს შორის არსებული თანამშრომლობა, სარფის სასაზღვრო-გამშვებ პუნქტზე მიმდინარე რეკონსტრუქციის საკითხები. ყურადღება გამახვილდა ტურიზმის განვითარების პერსპექტივებზე, ეკონომიკურ თანამშრომლობისა და რეგიონებს შორის ურთიერთობების გაღრმავების საკითხებზე.

 

განთავსების თარიღი: 20.02.2017
 
კვ ორ სა ოთ ხუ პა შა
            1
2 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ