კალანდობა ქ. ორდუში

2025 წლის 13 იანვარს, ქ. ტრაპიზონში საქართველოს გენერალური საკონსულოს წარმომადგენლები ქ. ორდუში, კავკასიის ქართული კულტურისა და განვითარების ასოციაციის ორგანიზებით გამართულ ძველით ახალი წლის აღსანიშნავ ღონისძიებას დაესწრნენ.

ღონისძიებაში მონაწილეობა მიიღო ახალგაზრდულმა ფოლკლორულმა ანსამბლებმა ქ. ორდუდან და ანსამბლმა "ერისეული" ქ. ბათუმიდან.

ღონისძიებას ასევე ესწრებოდნენ აღმოსავლეთ შავი ზღვის რეგიონის ქართული დიასპორული ორგანიზაციების თავმჯდომარეები და წევრები, მუნიციპალიტეტებისა და ბიზნეს სფეროს წარმომადგენლები.